He left finance for SQL. A working professional’s honest review.

PratigyaPar aap course kyun karna chahte the? Aap toh already working the na? You were already working, toh aap course kyun karna chahte the?

MohakMain nahi chahta 6 mahine baad koi ek ladka aaye aur meri job sirf isliye kha le, because yeh technology upgraded hai.

PratigyaBut how did you realize?

MohakWoh main batata hoon realize kaise kiya. Meri batchmate thi, saath mein MBA kiya tha. But when she makes dashboard and all, it's really very eye-catching. Ek hi jagah se the hum log aur achhe-khaase dost the. Main usko bola bhi tha ki tu dashboard toh aisi banati hai ki hum toh bilkul hi chhumantar ho jaate hain. Aur data bhi hum hi se le rahi hai. Aur dashboard itna eye-catching tha ki mereko lagta tha yaar, yeh toh gazab hai. Matlab management toh chahega na. Main bhi agar kal management mein baith raha hoon toh main bhi yeh dekhna chahunga. Jab yeh kar sakte hain toh hum kyun nahi kar sakte? Lekin jo key principles maine padhe hain, woh confidently padhe hain, unmein toh achha hoon. Aur uske saath main agar apna technical portion add kar dunga toh next level mein pahunch sakta hoon.

PratigyaBut why did you realize, just seeing the dashboard you realized that you are technically not

MohakNot only dashboard, ma'am. I have to elaborate. Ek VouchrIt karke software aa chuka hai abhi finance mein. Woh 15 minute mein 200 entry maar deta hai. And that too with separation of ledgers and there is no suspense entry. Ma'am, humanly possible hi nahi, aap maar hi nahi sakte ho. Aur woh bhi ek bhi entry incorrect nahi hai. Ma'am, yeh sab jo chhote-chhote aa rahe hain, woh chhote-chhote voucher aapki naukri kal khaane hi wale hain, agar aap inke saath collab nahi karoge toh. Yeh bahut saare chhote-chhote reasons hain, ma'am. Aap bhi jaante ho, family hone ke baad job ko drop down karna koi chhoti-moti cheez nahi hai. Kyunki kitne tumhare savings hain aur kitne din tak chalenge. And after completing the course when you are going to get the next job, tab tak tumhara poora yeh chalna chahiye. Toh in sabka calculation, chhoti-chhoti cheezon ko dekhte hi maine decision liya ki no, this is the time ki jab main decision le sakta hoon. Main aapko ek cheez aur bataun? Kal poori class de rahi hai jo test, main aaj hi de chuka hoon. Because I want to be one step ahead of them. Dosti hai apne taraf. Aapne kitna padha woh aap pe depend karta hai, toh koi doosra aapke saath nahi hai. Toh mereko ahead rehna hai toh phir taiyaari bhi waisi hi karni padegi. Aur risk level toh aap log se chhupa nahi hai.

PratigyaLekin still mera curiosity yahi hai ki how did you landed up at Unisoft? Matlab, aap, jaise ki software, toh aapko dashboards dekh ke samajh mein aa gaya ki theek hai, mujhe koi technology padhni padegi. Kyunki ab woh bookkeeping system jo hai, woh toh khatam hi hone wala hai, aur almost khatam hi ho chuka hai … because since the time we have started filing ITR online.

MohakYes. Woh bahut zyada, bahut zyada hi tez hain. Matlab bhale woh finance se nahi hain, Microsoft mein kaam kar chuke hain dono bhai. Unhone mereko bola tha ki yeh jaane wala hai. Toh maine unse poocha tha, dekho, agar yeh jaane wala hai toh yeh bhi batao ki kya kar sakte hain. Toh technology ke liye upgrade ho jao. Toh itna saaf feedback de raha hai hamare director, Ab, before coming to, jo aapka question tha ki main Unisoft mein kyun land hua. Ma'am, main sahi bataun, main toh [another institute] mein gaya tha. I swear, ma'am, to be very honest, main sabse pehle wahin gaya tha. And with their very dull attitude, maine wahin par decide kar liya tha ki yeh log mereko 10 minute se bithaye hain. Ek banda tumko query de raha hai aur tum mere paas pe ek banda bhi nahi bheja. Tum kitna achha padhaate hoge, I can sense your discipline. And no bad words for them. Par aap logon mein kisi ko bhi yaad nahi hoga ki main aap logon ke paas pehle aa chuka tha, jab bilkul pehle Toh mereko wapas kar diya ki finance ka course nahi hota hai. Finance nahi padhaate hain, hum technical padhaate hain. Par maine finance ke liye doosri class laga ke phir yahan aaya. Toh jab yahan aaya main, toh ma'am, luckily shayad sir phans gaye.

PratigyaPhanse nahi, aapko sir mil gaye.

MohakMa'am, mereko toh sir mil gaye. Toh achha yeh raha, batch ka first day tha. Aur woh maine inse poocha tha, mereko ek-do demo class chahiye. Woh jaise hi mereko click kiya ki main offline kyun le raha hoon, matlab online bhi le sakta tha … Main offline kyun le raha hoon? Woh mereko match kar gaya ki nahi, yeh aadmi mature hai, yeh samjha dega apne ko,

SaurabhIsmein main aapko input deta hoon. Satish aur mera conversation bhi hua. Satish mere paas aaye, bole Mohak sir toh aaj bhi demo maang rahe. Toh maine bola kis baat ka demo maang raha hai? Maine bola yeh baat bhi hai ki first day kuch khaas hua nahi. First day humne sirf introduction liya. toh bahut lamba introduction hua. Maine bola kaise judge kar liya tumne? Tum mujhse bhi nahi mile ho, ma'am se bhi nahi mile ho, kisi se nahi mile ho. Toh unka feedback, ChatGPT aapka naam le raha hai, institute ke baare mein sab achha hai. Kuch log toh bole hum review padhke aa gaye, kuch bole hum yeh padhke aa gaye, woh padhke aa gaye. Toh maine bola, itne jaldi tum decision kaise le sakte ho? Toh usmein poora lecture khatam ho gaya, we did not discuss anything, kuch technical nahi mila.

Pratigyaaapne notice kiya ho ya nahi kiya ho, sorry to interrupt, I have seen people have come to me and said that brochures of other institutes are roaming around with the topics. It is not the exact way we have given it, ki yeh topic ke baad yeh topic hai, yeh topic ke baad yeh topic hai, yeh content ke baad yeh content hai. Aisa nahi, structured nahi hai unke leaflets and brochures and content. Even the content of the brochures and everything is not up to date with the latest additions of the features. Toh yeh bhi maine notice kiya hai, yeh mere paas aake logon ne clear clear bola hai.

MohakAap logon ko ek input deta hoon. AI aap log se bhaari impress hai. Nagpur ke andar daaloge aap, Nagpur versus Pune bhi kiya baitha hoon main, usmein bhi Unisoft ko aapke weightage de diya. And the very good thing, Satish sir bahut achhe, elaborate karne ke liye. Course samajh mein aata hai. Yeh toh maine bola hai poori batch ko ki aapki age mein jab tak aapko realize hoga ki padhai ki, aur learning ki, aur knowledge ki, aur practice ki kya value hai, tab tak course khatam ho jaayenga. Kitna bhi bolo na inko, woh Gen Z hai. Aur main isliye bhi nahi bolta ki sahi mein, is age mein inke decision achhe hain. Yeh early decision hai, woh aa gaye hain.

PratigyaMain bataungi ki maine decision liya tha ki main Oracle padhne jaaungi, unse bhi early age mein.

SaurabhUnse bhi early age mein?

PratigyaUnse bhi early age, matlab 18, 18. And when the day I was sitting in the class of SQL, first day, trust me, Matlab 1 ghante ki class ho gayi, mujhe yahi samajh aaya ki kuch padhaya ja raha hai. Matlab padhaya kya ja raha hai

MohakAnd I would like to add, that is in the era before internet.

PratigyaI had hard books, matlab pages palat ke dekhna padta hai, chapter kya complete hua hai. Okay, this chapter is done. Okay, done. I mean, it was so tough. And mereko agar koi question aaya hai dimaag mein, toh mere saath sabse badi problem kya hoti thi, I had nobody to ask. Matlab pehle minute pe toh mujhe yeh samajh mein nahi aaya ki main poochun kisko, agar mereko samajh nahi raha hai toh. Aur bas lecture bhaag raha hai. Unhone query likh di, unhone dikha diya, yeh query, yeh projector pe dikha diya. And then when we have to practice, hamare toh desktop hote the, laptop bhi nahi hote the. Theek hai? Once I got certified, once I learned, then my father got a laptop for me. After certification. Course ka duration? SQL just got finished in 1.5 days. 1.5 days. Trust me, mujhe bahut saari cheezein after the course and certification samjhi. So I appeared for SQL. Even I didn't know the version. Honestly, mujhe day 1 ko yeh bhi nahi pata tha ki main Oracle DBA ka kaunsa version padh rahi hoon. Then we had 4 modules in it. Toh pehle SQL ka exam clear karo, phir architecture ka do. Nahi toh agar aap fail ho gaye, toh phir aap nahi baith sakte. Aap pehle reappear karo, pass ho.

MohakAap Oracle University se padhe ho?

PratigyaHaan, Oracle University se padha hua hai. Oracle University, Bangalore se tha mera poora training. Then I cleared all the three, jaise-taise. Lekin chauthe wale mein, performance and tuning mein, main 1 mark se reh gayi thi. Phir maine usko 3 mahine baad reappear kiya. Main yahi keh rahi hoon na ki 10 kilometer chalne wala struggle, aur yahan par 10 minute mein 10 kilometer ki speed par dimaag lagana. Aur yeh mujhe pata nahi tha ki aapko network card alag se milta hai. Yeh sab maine karte karte poora explore kiya hai, seekha hai aur install kiya hai. I am not dependent ki mujhe koi sikhaaye ki network card kya hota hai ya yeh kaisa hai. Kyunki ek baar aise hi ek incident hua tha, Pune office just hamara install ho raha tha. We had a team, actually, ki koi jaake installation karega, koi jaake LAN setup karega. I called up Saurabh. Saurabh, LAN crimping karna hai. Saurabh ne kaha, maine kabhi nahi ki. Par mujhe pata hai karte kaise. Kar lenge.

SaurabhPar milke, kyunki colour code main bhejunga. Main guide kar sakta hoon, main manual padh sakta hoon, main padhke samjha sakta hoon. Karna aapko hai.

PratigyaSaurabh ne mujhe colour code bheja. Usne kya kiya ki kaam jaldi hona chahiye, toh uska photo bheja, uska screenshot bheja, uske neeche 4-5 lines likhke bheji ki dekho, yeh try karo. Aap pehle yeh try karo. Maine pehla try kiya, doosra try kiya, teesra crimping khud kiya aur LAN shuru kar di.

MohakYeh kab ki baat hai, ma'am?

Pratigya2017. I was not dependent. And when I did this, the moment I called, Saurabh, ho gaya!

SaurabhDoosra, aapko question tha ki kaise pehle kaafi honeymoon period chala apne class ko, 1-1.5 mahina koi test nahi hua. Phir humne suddenly ek test rakha.

PratigyaMatlab test expected tha kya aapko?

MohakExpected tha, kyunki mereko day one mein bataya tha. Toh unhone aisa aisa kar diya, and I am very, very much happy with that. Mujhe aisa lagta hai ki har cheez guzarne ke baad aapko pata chalna chahiye sahi mein tum kitne paani mein ho. Jaise main aapko batata hoon, test ke pehle ka scenario batata hoon. Yeh assignment dete the, sab bol rahe the ki hum assignment karenge. Phir kuch log karte the, kuch nahi karte the, kuch kuch portion karte the, aur kuch toh haath hi nahi lagaate the. Woh toh phir matlab gone case hai. Toh jo log padh rahe hain, jaise main assignment seriously karta tha. Toh main jab assignment karta tha, toh mujhe aisa lagta hai ki phasta toh tha hi. Phir mereko realize hota tha, jab hum chauthe chapter mein pahunche, Aur until and unless kuch aisa cheez nahi aaye, test jaisi koi cheez nahi aaye, tab tak aap wapas nahi padhoge na. Kyunki tumhare andar kuch hai nahi ki mereko usse zyada laana hai, woh bhi imaandari se. Toh phir inhone test rakha. Chapter 4, 4 chapter mein rakha, ek club rakha.

SaurabhSab aaye ismein?

MohakSab nahi aaye. I went into the class and 9 mein se 7 log dikhe mujhe. Maine inko bola, yeh chamatkar aapne kaise kiya? 7 log test mein aa gaye, woh bhi odd day.

PratigyaOdd day kaise hua?

MohakThey kept the test on Saturday, when there was no class. to check your capability, not to check your numbers. Ho sakta hai mere zero numbers. But the thing is like ki main ground mein toh pahuncha. Jo ground mein hi nahi pahunch raha hai, hathiyar phenk kar baitha hai, woh toh kabhi kuch nahi kar paayega. Toh ground mein pahuncha, usko kam se kam sharmindagi toh hogi And ma'am, I swear to God ki main first test fail ho gaya. 55% aaye the. But everyone failed. Everyone failed. Passing percentage is 63%. Aur humko bhi lag raha tha ki bahut zyada percent de raha hai. But again, Saurabh sir ne humko bataya tha ki Oracle ka jab test dene jaayenga toh 65%. Toh 63% mein hum sab matlab fail ho gaye the. Toh mujhe bada woh laga tha. Agar laga toh karke dikhao. Phir maine sir se bola, maine ek request ki, sir, aap har chapter ka individual test lo. Toh kya hai ki hum individual har chapter ke depth mein jaayenge, phir aap ek combined lo, 1 to 4. So after that, by God's grace, we not failed in any of the chapter test, whatever he is taking. Till chapter 4 we had done, one is left, then we will have another 4 chapter test. Phir uska difficulty level waisa hoga.

PratigyaBut I don't understand this Gen Z or whatever new generation is. Exam se darna kya hai? Exam toh tumhare knowledge aur tumhare beech ka sach hai. Right? Main kisi jagah interview dene jaaun aur wahan mujhe sawaal na aaye, aur us point par woh mujhe silently reject kar de and they make fun, usse better hai ki I know the reality ki mujhe kya aata hai aur kya nahi, aur main jaake seedha bolun ki theek hai, I'm ready to learn. I've reached to the stage and I'm ready to learn what this organization is about. Right? But now the problem with the generation is, why should I give test? Even if I'm giving test, why don't I use ChatGPT or why don't I use AI? Lekin baad ka kya? Aap kuch achha seekh ke jaayenge aur aap kuch achha karoge na apni professional career mein, toh hum usi mein khush hain. Dekho Mohak, main aur Saurabh, maloom hai, aaj dukaan laga ke baith jaayein, aam institute se compare karke na, uske paas bhi ek Mercedes hoti, mere paas bhi ek Mercedes hoti. Honestly batao, jis tarike se baaki institutes hain: aao, aapki zaroorat hai na course karna, aap aao, course karo aur chale jao. Matlab aaj ek generalistic statement main batati hoon. Mujhe kisi ne kaha ki arre, apne bete ke college mein ja rahi hoon na, parking toh aisi mil jaayegi. I was going to my son's college today. Arre, wahan toh parking mil hi jaayegi, apan toh paise dete hain. Maine kaha, aap paise sirf wahan ka infrastructure aur services use karne ka de rahe ho. Aapka beta padh raha hai. Yeh important hai. Aap kabhi wahan raja nahi ho sakte kyunki aap paise de rahe ho. Logon ki mentality jo hai na, we need to change. If you are paying us, that means the course is not yours.

MohakAur main aapko bata raha hoon, main kitna pareshan karta hoon.

PratigyaPadhne wale ko na kaise bolenge?

MohakSabke chapter ka test jo hai, woh parson hai. Aaj main aaya toh inko pareshan kiya, khaana khaate hue. Akela chhod diya, kyunki unko meri imaandari pata hai, main cheating nahi karne wala. Cheating karke kya karna hai? Yahan first aane se better hai yahan last bhi aake industry mein select hona. That is more important. Aur ek cheez main Satish sir ki batana chahunga. Jab main aaya tha na, 40% hum padhayenge, 60% tumko padhna hai. Toh main bol raha hoon na ki yahan pe jo log hain, they are very much straightforward and they are very much close to truth of life. Agar aap woh samajh gaye toh you are going to take that admission. Duniya toh khwaab dikha rahi hai. Dekhte raho.

PratigyaKhwaab dikhana aasaan hai, bahut aasaan hai, bahut aasaan hai.

MohakBaad mereko samajh mein aa gaya ki yeh institute ke jo faculties hain, jo bhi management, uska khud hi ka aisa attitude hai ki agar tu nahi padhta toh humko toh chahiye hi nahi. Seedhi baat hai. Jo aaj aap bol rahe the, aap enter kiye, Satish sir se mile, wahin bol de rahe hain: 40% hum padhayenge, 60% tumko padhna hai.

MohakAb kisi bhi doosre institute jao: haan theek hai, aapko sab ho jaayega, sab ho jaayega. Ma'am, X coaching itna achha sab kuch mereko present kiya tha, maine sirf ek hi calculation lagaya, because I love maths. toh mereko bataye ki hafte mein 2 din class lagti hai, Saturday-Sunday, aapko toh job drop karne ki zaroorat nahi hai. Toh maine lagaya: hafte mein 2 din, mahine mein 8 din hota hai, aur 6 mahine ka course, 6 aathe 48, 50 class at the most. Aur yeh bechaare 120 class mein bhi bol rahe hain ki zyada samay lag raha hai. Toh phir woh kya hi kara raha hoga? Kyunki main scratch se hoon, toh mereko toh 120 ki taraf hi jaana chahiye. [a classmate] boli ki mere kuch friend hain, woh Bhopal se, Indore se Data Science padh rahe hain. Unko SQL mein, bole, SELECT padha hi nahi rahe hain. Main bola, kya padha rahe hain? DDL, DML, TCL, aur 1.5 mahine se yahi chala rahe hain: CREATE TABLE, INSERT, UPDATE, DROP, TRUNCATE. Aur phir jab [a classmate] unko bol rahi hai ki SELECT kab aayega, SELECT toh syllabus mein nahi, bole, Data Science ke. Main bola, phir Data Science wala data nikaalega kaise aur kaam kya karega? SELECT kaise karega? Mereko har chapter ka pata hai: yeh chapter sensitive hai, is par mereko zyada dhyaan lagana. Kuch bhi, matlab, kuch bhi ho jaaye, mereko class nahi chhodni. Aapko pata hai, meri 2 hi classes SQL ki chhooti, dono mein interview the.

PratigyaPhir bhi main ek honest question aapse poochna chahoongi. Maan lo koi Gen Z aata hai, jo ki thoda non-serious hai, Ya thoda serious bhi hai, ya margdarshan aapse lena chahta hai kisi baat pe ya education pe. Aur agar woh kehta hai ki nahi nahi, wahan toh bahut achha padha rahe hain, mujhe pata hai, woh falana institute mein achha Data Analytics padha rahe hain, aap aisa kaunsa 2 points bologe usko ki usko Unisoft jaana chahiye? Sirf 2 points, aise koi. Aapka margdarshan.

MohakPehla point toh yeh rahega: tum SQL Saurabh sir se padhna. Toh ek aadmi jo SQL achhe se padha raha hai, And that is the key factor for them. Second rahega, ma'am, ki yahan ka management along with the faculty, and even sabse low position par bhi hoga, Woh bhi na bahut zyada straightforward hai towards your future. Matlab, tum padhoge toh hoga, nahi padhoge toh nahi hoga, muh pe hai. Aur koi maalik tumko nahi chillayega ki tum log padh nahi rahe ho. Usko kya hai yaar, usko paisa mil raha, uska kaam chal raha. Phir bhi aake woh bol raha hai.

PratigyaChaliye, aapka yeh point hua. Doosre, mere paas kuch aise log aate hain jo yeh kehte hain ki hum online padh lenge ya hum video lecture se padh lenge. Unke liye aapka kya suggestion hai ki unko class kyun join karna chahiye?

MohakJitna mera ismein thinking hai, Agar aap scratch se ho, tab toh aapko dedicatedly offline jaana chahiye. Kaaran kya hai ki aapko jo bhi doubt ho, usi samay aap clear kar sakte hain. Online classes mein kya hota hai, ma'am, aap padh rahe ho aur video khatam ho gaya. Aapka doubt bhi hai, toh woh doubt aap lecture ke baad pooch sakte ho. Lekin jo mera personal ismein opinion hai ki jab doubt ho, agar tabhi hit kiya na, toh woh jo hai na, woh aapka question mark us samay hata ke ek alag tarike ka aapko satisfaction deta, haan, mereko yeh samajh aa gaya.

PratigyaMera yeh kehna hai ki offline ya phir Unisoft mein padhne ka ek fayda hai, ki human jo hota hai, self-discipline bahut kam hota hai. Abhi sir ne aapko gym ka example diya, ki gym wale toh keh rahe the ki paise de do, Aur woh toh aapke upar dependent hai ki aap gym jaoge ki nahi jaoge.

MohakMa'am, ek cheez aur hai offline ke liye. Offline mein aap hamesha discipline mein rehte hain. There is no disturbance, there is no distraction. Ghar mein aap baithe ho, Toh beti aa jaayegi, woh ABCD daba sakti hai. Toh woh na, woh distraction aa jaayegi.

PratigyaThis is what I am telling you, ki there is a disciplined environment to learn, and learning needs a disciplined environment. That is the reason you go to school, you go to colleges and you go to institutes.

MohakJab aap class mein baithte ho, toh ek woh ambience create ho raha hai ki koi padha raha hai, hum padh rahe hain.

PratigyaBut then lot of people say ki, okay, I am joining a web class, jahan pe main web ke through connect honga. But I still feel that you don't get that kind of a seriousness when you are connected as a class On a web class, like online class kind of thing.

MohakMa'am, mind ki strategy bhi hoti hai. Usko har din har particular samay par tum kuch karwao, toh woh trained ho jaata hai. Har din yahan 3 se 5 SQL padhna hai, toh mera mind taiyaar ho jaata hai us cheez ko karne ke liye. Aur woh ek alag impact le aata hai, Kyunki woh discipline mein ho raha hai, har din mein itna padhna hai. Toh main aage ke program bhi us tarike se bana sakta hoon. Toh woh jo dimaag ko train karte hain with offline class, is much stronger than online class or web classes, if you are specially from scratch.

PratigyaI'll tell you one thing, very short thing, Ki matlab, I am very fond of Bollywood, very extremely fond of Bollywood, Saurabh knows it, and very fond of cricket. Toh tum believe nahi karoge ki main itni passionate hoon technology ko leke ki I don't watch Bollywood anymore. Kyunki mujhe read karna, technology ka upgradation karna, yeh padhte rehna, kuch kahin aa raha hai kya. Main Insta sirf isliye karti hoon ki Unisoft ki zaroorat hai, ya business ki need hai. Otherwise I don't see it.

MohakMera toh Instagram account bhi nahi hai.

PratigyaWe had a student earlier, ek bahut time pehle ki baat hai, hamare paas ek student aaya tha. Woh course toh join kar liya student ne. Saari baat samajh li, demo le liya, sab samajh liya. Uske father ne mujhe call karke ek din kaha, doosre ya teesre din hai, it was summer time, toh uske father ne mujhe call karke kaha, aapka aisa kaisa institute hai jahan AC nahi hai? Maine kaha, sir, matlab bachcha padhne aa raha hai ki AC mein baithne aa raha hai? Nahi nahi, bole, AC toh aaj ki date mein common cheez hai, bole, jo institute mein hona chahiye. Maine kaha, sir, main laga deti hoon AC, but assurance lijiye ki AC lagane ki wajah se yeh padh lega.

MohakAap samajhte ho, yeh nayi generation ki cheez hai.

PratigyaHumne bhi aapki class mein bachchon ke liye nahi lagaya hai. Hamare faculty ke liye lagaya hai. I gave AC for him, not for others. Not even for Gen Z.

SatishMere paas zyadatar bachche aate hain ki poori baat hone ke baad unka question hai ki, sir, placement guarantee. Guarantee ko kya bolenge?

Mohak… Ma'am, main seriously bol raha hoon, ek mahina aur guzar jaane dijiye. Sir ke saath discuss karke main exam dena chaalu karne wala hoon. Kyunki mereko fail hona hai. Then I am going to get ki main pass kaise honga. Koi mereko thaali paros ke nahi dene wala hai. Mujhe fail hona hi hai. Aur main chahta hoon ki mereko itni buri tarike se fail kar do, Kyunki the day jab December mein yeh complete hoga, I must get assured ki jis company mein main dene ja raha hoon, after completing course, I must get selected. Ki we don't have any options. Ki nahi hua toh kya? Nahi, nahi hua toh meri dictionary mein nahi hai. Karna hi hai, because I have to feed the family, and so you are. Ki tum 60-70% bhi pace inke saath aa gaye na, aap clear kar loge. At the most 3rd-4th attempt mein toh clear kar hi loge.

PratigyaAbhi meri ek colleague mere saath aayi cabin mein, aur she saw a girl She's graduate physiotherapist. Physiotherapist ka first year bhi MBBS first year walon jaisa hi rehta hai. So she's graduate physiotherapist. Toh usne mujhe poocha, ma'am, yeh doctor hamare office mein kya kar rahe hain? Toh maine kaha, yeh bhi padhne aaye hain. Toh bole, yeh kya padhne aaye hain? Maine kaha, yeh Data Analytics padhne aaye hain. Kyun? Woh toh physiotherapist hai ma'am, usko Data Analytics padhne ki kya zaroorat hai? Maine kaha, yeh sawaal tum usse jaake poocho na, usko kya zaroorat hai. Toh woh isliye padh rahi hai, woh research karna chahti hai aage chalke, as a physiotherapist, in equipments which are needed for physiotherapist. So there are different fields. People need to study technology, there is no option left.

MohakMain bola, isliye kyunki meri aisi ichchha hai ki jab yeh 7-8 logon ka batch yahan se nikle na, toh ek batch ko Saurabh sir keh sakein ki is batch ke sabhi ladke-ladkiyan select ho gaye. That is my dream for us. Baaki wah-wahi ka koi matlab nahi hai, wah-wahi se pet nahi bharne wala hai. Industry mein jaake select ho, apne aapko aage le jao. 10 saal baad main phir inko pareshan karne wala hoon aapke paas aake, kyunki main kuch alag soch raha hoon.

PratigyaAap karo. Certification ke basis pe there are a lot of options. Matlab logon ne mujhe kabhi seriously nahi liya ki global certification ki kya value hai. Saurabh took it very seriously when he was with me. When he started his journey, he was good. Matlab woh padhne mein achhe the aur unhe sahi aur galat padhna bhi samajhta tha, lekin unko yeh nahi pata tha ki koi certification hota hai. When he came to me, he was like, achha, aisa bhi koi certification hota hai? He was very shocked ki aisa bhi koi certification hota hai.

MohakAur ma'am, jahan paisa laga wahan seriousness apne aap aati hai. Yeh toh meri pehle se soch hai.

PratigyaAur doosra, maine bhi jab certification diya tha, mereko bhi nahi pata tha itna ki yeh kya importance rakhta hai. Lekin jab main woh certification leke market mein gayi, ki arre, yeh toh alag hi cheez hai. This is something which is very different, and I was shocked ki arre, yeh aisi bhi cheez hoti hai. And honestly speaking, jab Saurabh kisi naami vyakti se hi padhke Unisoft aaye the, Toh Saurabh ko laga tha ki ma'am kya hi padha legi mujhe. Maine Saurabh ke haath mein meri kitaab jo thi, maine kaha, yeh lo, Yeh hai manual, Oracle ka. Isko dekho. And he was very happy. The feeling of having the exact Thing in his hand about the product. Usko woh khushi thi us manual ki. Ma'am, yeh kya hai? Maine kaha, yeh kar, isse tu 100% Expert hoga. Maine usse kaha, yeh rakh le tu, yeh tere liye.

MohakSahi baat hai ma'am. SQL, yeh by God's grace hai ma'am ki pehla teacher itna achha phans gaya hai ki eliminate karne ki zaroorat nahi padi. Seriously, matlab aap bologe mere se ki Mohak, name the second one who taught you SQL, I really don't have it. And I really don't want to have any further. Ma'am, aapko bata raha hoon main kis tarike se prepare kar raha hoon. A3 sheet liya hua hai. Har chapter ko A3 sheet mein likhta hoon, isko saath mein rakhta hoon, Phir exam dene aata hoon, tab bhi unke exam mein main 75% pe aata hoon. Phir jaake padhta hoon ki combined sabki sheet poore ghar ke peeche wale usmein laga doon, aate-jaate SQL, SQL hona chahiye. Till I crack the interview, this is my planning. And I want everyone to be that serious. Tab tum institute ko bol sakte ho ki I had really given my efforts. But the thing is ki kya tum woh effort de rahe ho? Ask to yourself.

PratigyaAndar se ek bhookh honi chahiye. Ek bhookh nahi hai na, toh dikkat hai. Darr kaunsa hona chahiye? Sahi ka darr kya hai, main aapko batati hoon. Yeh jo mera experience hai, Ki main ek din subah uthoon aur mujhse zyada isko pata ho. Yeh darr sach mein mujhe hai. Ya yahan par koi aisi cheez aaye jo mujhe pata nahi. I am senior to him. But I don't hesitate telling him ki yeh baat mujhe nahi pata thi, because I get to learn then. So I tell him ki yaar Saurabh, maine aaj yeh subah padha. Meri curiosity ka, meri technology ka, yeh mera honest face hai.

PratigyaToh aaj se 3-4 saal pehle kya ho raha tha ki main jaati thi raaste se, yeh bhi aata tha, Yeh kehta tha ki dekho, [another institute] ne itti advertisement ki hai. Toh yeh mujhe bolta tha, dekho, unki advertisement pe unka photo hai aur sab kuch. Toh yeh mujhe bahut bolta tha, aap kyun nahi kar rahe ho? Aap kyun nahi kar rahe ho? Maine kaha, Saurabh, main aisa nahi kar sakti ki main ek vyakti ka photo, vyakti vishesh ka photo laga doon. Aur aap believe nahi karenge, 1 saal pehle tak mera meri company ki website pe naam nahi tha. 1 saal pehle tak mera kahin naam hi nahi tha. Aur photo bhi nahi tha. Kai baar toh isko owner samajh lete the log. Main padhaati bhi thi toh bhi mera naam aur photo nahi tha. Kyunki mujhe us cheez mein hai hi nahi na ki tum mere naam ya mere photo se aao. Main jo tumhe padha rahi hoon, tum log yahan apna career banao, apni zindagi banao. Toh kisi vyakti vishesh ka naam aur photo se agar advertisement hogi, I am never into that. I am like, what you want, you getting this service, you get satisfied and you go and explore yourself. Toh maine Saurabh ko bola, Saurabh, he is not the success. The success is the technology and the product. Maine kaha main yeh hoarding lagane ko taiyaar hoon ki tum SQL padho aur tum saare technology ya profiles pe kaam kar sakte ho. Whether you are a web developer, whether you are a backend developer, whether you are a frontend developer, or whether you are a network security person, what best you gonna do is you gonna protect, process, everything is data, right? And information. So even if you are a cyber security person, you are gonna protect data. Even if you are gonna do analysis, you need data. Even if you are going to develop application or a website or a web development, you are going to do So you need to process data only, right? So everything needs SQL. So I can make this as an ad. He was not convinced.

MohakMatlab main sahi mein free mein sabko bolta hoon, batata hoon. bas mereko lagta hai yaar, Achhe log hain, achha kaam kar rahe hain, tum jud sakte ho toh jud jao.

MohakToh ma'am, nice meeting you.

PratigyaSame here. Hum toh roz milte hain. Yeh saare kuch-kuch inputs humko aise chahiye the, so that our social media can say the reality. Ismein aapko yeh decide karna hai ki tujhe aaj paisa bacha lena hai ki kal paisa zyada kama lena hai. Maine bahut mehenge mein Oracle padha hai. Lekin mujhe padhna tha. Mere dimaag mein tha ki mujhe padhna hai, mujhe jaanna hai ki hota kya hai, Peeche mein hota kya hai. Kyunki web development, web application aapko saamne dikh jaayega hota hua, lekin background mein hota kya hai,

MohakMa'am, keemat usi ki hai.

PratigyaJo background mein karega, keemat usi ki hai. Saamne toh phir end user hai,

MohakChaliye ma'am, have a nice day.

PratigyaThank you, thank you.